Chichiba Tiyongtsü – Mathi 16: 13-20

Yisu Khrista arogo tiyongtsüji Nazareth nunger Yisu kibur lir. Atangji arogo tamangji Nazareth nunger Yisu otsü nung kibur asübaji lir. Ibaji arogo aser meimchir otsü süra, ibaji kija taküm shia asoshia lir. Yisuji kija taküm shia nung kibur.
Ne taküm nung Yisu Khrista kibur kümdaktsüra shisabulu koba agi na timtemdaktsür aji koda ka pungpa akümtsü ta nai bilemer? Iba onük nungji tejangja chichiba nütsüngsübaji tenzük.
Mapang ka nung Yisui nütsüngtem dang iba tetendangba tasüngdangba asüngdang: “Nenoki ni shibaa ta ashir?” Simon Peteri langzü: “Na Khrista, taküm Tsüngrem chir.” Simon Peter asoshi tulu! Iba tongtipang tasüngdangba asenok ajaki kijai langzütsüba lir , anungji ne telangzüba kechi?
Item ya shisadangang: Ne taküm nung shiba tuluba ? Tsüngrem asü ? Kibong tesendaktep nung, mapa nung mesüra na ataba mapa nung, yimsü nung, sen mapa nung, lokti aser yimten bilemba nung aser mapa nung nai Pa tesayuba nung anidaker asü ?
Sarasadem: Ne nübur tsütsü, Ne yimli sayudang, ni bilemtetangma, O Kibuba. T.Ken 106:4.
Tenangzükba: Kechiaser Nai temeshi pur moatsür; O Kibuba, jong ama, Ne keta asenba agi Nai parnok wabanger. T.Ken 5:12.