Chief CIC inyaktsü atema Toshi Aier, IAS shim

March 22 nü Raj Bhavan nung tenangzükba agiba sentong nung Nagaland Angh, P.B. Acharya-i Nagaland CIC tasenba, Toshi Aier IAS aser SIC, Chanbemo Lotha na den tangokba noksa nung angur. 

Dimapur, March 22 (TYO) : Nagaland State sorkari Chief Information Commissioner inyaktsü atema taoba state ketdangser, Toshi Aier IAS, Chief Secretary (Retd) aser State Information Commissioner, Nagaland Information Commission inyaktsü atema Chanbemo Lotha, Chief Engineer, PWD (H) (Retd) na shimogo.
March 22, 2016 nü Raj Bhavan nung Nagaland Angh, P.B Acharya-i tena nem tenangzükba agidaktsü.
Toshi Aier IAS ya 1978 cadre nungi lir aser pai menden balala nung mapa inyaka arur tatemsa 2014 nung Nagaland Chief Secretary inyaka lia pa sorkar mapa nungi anisüngzüka liasü.
Chanbemo Lotha ya Chief Engineer PWD (H) inyaka lia mapa nungi anisüngzük. Pai Federation of Nagaland State Engineering Service Association (FONSESA) nung tatong tir aser tir inyak, India Building Congress (IBC) nung governing council member, aser Right to Information (RTI) kübok APIO aser PIO inyak aser Indian Road Congress (IRC) permanent member ka lir.