Chief Minister 4-i tanü Kejriwal den ajuruteptsü

New Delhi, Aami (June) 16 (Agencies): Delhi Chief Minister Arvind Kejriwal aser Lieutenant Governor (L-G) Anil Baijal tsüngda tekong merangtepba ken o tuluba kümogo kechiyong asüng (Deobar) West Bengal CM Mamata Banerjee, Kerala CM Pinarayi Vijayan, Karnataka CM H D Kumaraswamy aser Andhra Pradesh CM Chandrababu Naidu nungertemi Aam Aadmi Party tanishisang Kejriwal den ajuruteptsü sentong lir.
Tanü Banerjee-i Kejriwal den ajuruteptsü asüngdang saka Lieutenant Governor Baijal-i la nem temelaba magütsü.
Iba telemtetba atema Kejriwal-i Prime Minister Narendra Modi dak tai tongloktsü.
“Kanga dang mamangteti atalokdar. L-G-i pa sasa telemtetba agitsü koka lir saka PMO-i pa dang temelaba magütsütsü tetuyuba agütsür alitsü akok. PMO tetuyuba nung ajemdaker IAS lungkak aitba den kasa lir” ta Kejriwal-i ashi.
Tan hopta tejaklen Mamata Banerjee-i AAP sorkari lungkak aitba pusema nungiter ta metetdaktsü aser L-G o PM dang iba khuret tangsatang angatettepang ta lai mepishia liasü.
“Delhi CM Arvind Kejriwal-i taoba anogo ishika linük yimtiba nung L-G indang office nung lungkak aiter. Nübortem shimtetba CM ka akhümtsübutsüla. Ni India sorkar aser Delhi L-G dang nübortem timtem masütsü atema iba khuret tangsa angatetteptsü atema mepishir” ta Mamata-i Twitter nung ashi.