Chief Minister-i Consultative Meet alitsü ayonger

Dimapur, February 5 (TYO) : Nagaland Chief Minister TR Zeliang-i February 8, 2017 anepdang 8:00 ako nung State Banquet Hall, Kohima nung kin Hoho ajak den ULB elections dak sendakba onüktem jembitsü atema Consultative Meet ka alitsü ayongzüker, ta Media Cell, Chief Minister’s Office-i sangdong ka nung metetdaktsü.
Chief Minister’s Office-i Naga Hoho, CNTC aser ENPO nungi züngsem pezüzü aser APO, Ao Senden, Sumi Hoho, Lotha Hoho, Chakhesang Public Organisation, Phom People’s Council, Zeliangrong Baudi Nagaland, Rengma Hoho, Yimchunger Tribal Council, United Sangtam Likhum Bumji, Khiamniungam Tribal Council, Chang Khulei Setsang, Pochury Hoho aser Konyak Union President tem ajak arua senden nung adentsü mepishia metetdaktsüogo.
Yasüng rongdak senden ka nung, Cabinet-i Prime Minister dang Linük Temzüng nung Part IX nung Nagaland medendaktsütsü atema tezüluba ka agütsütsü telemtetba agiogo, ta Media Cell, CMO sangdong nungsa shia lir.
Senden nungsa, akhidang nungi India aser Myanmar tsüngda Free Movement Regime lidaktsütsü atema Myanmar sorkari Indo-Myanmar international border nung atsü meyanglutsü shiang ta Prime Minister dang mepishitsü atema Cabinet-i telemtetba agi, ta CMO sangdong nungsa shia lir.