Chief minister-i Kohima nung gari lenmangtem yanglutsü tetuyuba agütsü

Dimapur, October 28 (TYO) : October 28, 2015 nü Nagaland Chief Minister, TR Zeliang-i PWD (Roads & Bridges) department dang Kohima nung gari lenmangtem tekaratiba nung yanglutsü tetuyuba agütsüogo.
Bodbarnep Chief minister indang Residential Office nung Roads & Bridges Minister aser ketdangsertem den rongdak senden ka jazüka agidang Zeliang-i department dang mapa inyaktsü tetuyuba agütsü, ta Media Cell, Chief Minister’s Office-i sangdong ka nung metetdaktsü.
Department nem Non-Plan nungi sen crore 8.45 lemzüktsüogo aser ibaji ajanga tekaratiba nung state yimtiba nung aliba garitem lenmangtem yanglutsüla ta Chief minister-i PWD (Roads & Bridges) department dang ashi, ta sangdong nung shia lir.
Tanü nikongtsütsü TR Zeliang-isa BRO den senden ka agi aser idangji parnok danga parnok nem lemzükja aliba gari lenmangtem yanglutsü tetuyuba agütsü.
Senden nung BRO ketdangsertemi October 30 tashi nung mapa tenzüktsü ta chief minister dang nangzük
Tanü nikongtsütsü Chief Minister-isa department balala den Hornbill Festival dak sendakba onüktem benoka senden ka agi. Iba senden nung Power, PHE department tem dang benjung amungdak power aser tzü peria angutsü atema mapa inyaktsü nungloktsü aser Home department dang Kohima aser Kisama nung traffic timi acha-ayangtsü mapa nungloktsü, ta CMO sangdong nungsa metetdaktsü.