Chief Minister, Rio-i Thakkar asüba atema mangyimba lemsatep

Kohima, Mongputeni/October 07 (TYO): Tanep yakta Apollo Hospital, Guwahati nung Natwar Thakkar asüba osang angashia mangyimer, ta tanü Nagaland Chief Minister, Neiphiu Rio-i sangdong ka ajanga metetdaktsü.
“Asür Thakkar ya 1932 küm aso aser 1955 küm pa arishi küm 23 asüdang Nagaland-i arua liasü. Mokokchung district kübok Chuchuyimlang yimdak Nagaland Gandhi Ashram tenzüksangji pa lir. Mahatma Gandhi tangatetbatem aser tesayubatem proktsü atema pai meranga inyakba den külemi loktiliba atema inyaka aruogo. Pai nübur tenzükba atema 1999 küm pa nem Padma Shri agutsüba densema award aika agutsüogo,” ta sangdong nung shia lir. “Pa asüba ajanga Naga nunger tembar ka aser len sayur ka makai kümogo. Ni mangyimer kibong den mangyim lemsateper aser Tsüngremi parnok nem tashi tasen den tesünep agujang ta sarasademtsür. Asür tanela tesünep nung anisüngzükdakjang,” ta CM-isa lemsatep.