Chief Minister, T R Zeliang-i Delhi nung USIBC züngsemtem ajuru

Delhi, August 31 (TYO): Tanü Nagaland Chief Minister, T.R. Zeliang-i US India Business Council (USIBC) züngsemtem den Nagaland nung lanurtem atema Entrepreneurship Development, Self-employment aser Industrial Promotion training den skill up-gradation atema shisa lemsatepa liasü, ta Brihostibarnü CMO sangdong ka ajanga metetdaktsü.
Iba mapang nung Chief Minister T.R Zeliang-i USBIC züngsemtem dang Nagaland nung sen indoka inyaktsü atema maongka aika aliba indang metetdaktsü, talisa aluyimba sector aser iba dak sendakba departments, totzü, Minerals aser Mines bushiba, Infrastructures, Tourism aser anema alibaren tsütsü maongka aika lir, ta metetdaktsü.
Iba dak sendakba nung USIBC züngsemtemia state sorkar den longjemer state nung Skill development, Entrepreneurship aser Industrial ajungkettsütsü tejangraba metetdaktsüogo, ta sangdong nungsa shia lir.
Iba senden nung Geology, Mining & Border Affairs Minister, Mmhonlumo Kikon, Labour & Employment, Skill Development & Entrepreneurship Parliamentary Secretary, Dr. Neiprozo Keditsu aser Housing Parliamentary Secretary, Er. Levi nungera dena liasü.