Chief Minister, TR Zeliang-i asüku osang lemsateper

Kohima, September 29 (TYO): September 29 anepdang Mokokchung nung taoba mapang MLA asür Tajenyuba kinungtsü, Ruth asüba osang ajangashia temulung mepelar, ta Nagaland Chief Minister, T R Zeliang-i sangdong ka nung metetdaktsü.

“Ni la ajurudanga mali, saka mapang tamajungdanga lai la kinungbu den külemi shilem tulu agiba aser School Education Departent kübok Adult Education Officer ama nendaka inyakba angashiogo. Aor taintem ajaki Liashibabo sa züngettsüla ta lai iba tangatetba nung inyak. Iba ashoshi lai yimtsüngtem semdanga teintet rogotem nem tesayuba agütsü. Lai meranga inyakba ajanga Aor rongnung teintet rogo literacy rate timba akum,” ta sangdong nungsa shia lir.

Tsüngremi iba ama tejashi mapang ka nung la meimertem aser kinungertem nem tesünep agütsütsü atema sarasademtsür, ta sangdong nungsa shia lir.