Chiephobozou nung angati medical camp ka ayongzüka agi

Dimapur, March 23 (TYO) : Nagaland Angh, P.B. Acharya-i acha-ayanga March 23, 2016 nü Community Health Centre, Chiephobozou nung multidisciplinary medical check up aser treatment camp ka ayongzüka agi.
Iba medical camp ya Nagaland sorkari yaria Environmental Medical Association Mumbai aser Indian National Fellowship Centre nati ayongzük.
Dr. K.C. Mohanty, TB aser Chest Specialist lenisüba kübok doctor pungui iba medical camp nung shilem agi. Pa den yaritepba doctor temji – Dr. Agam Vora, Chest Physician; Dr. Satish Vaidya, Cardiologist; Dr. R.M Sundrani, Chest Physician; Professor aser Dr. Varsha Phadke, Paediatrician nungertem liasü. Ano parnok den Social worker, Smita Mohanti-ia yaritep.
Medical camp nungsa Medical Officer, Chiephobozou, Dr. Esther-i anir nurse 10, Primary Health Centre Touphema nungi Dr. Kerekugumle aser PHC Zhadima nungi Dr. Thejavinuo Keditsu nungertemi yaritep.
Ano, 9 AR Chiephobozou-ia süki aser chair tem ajanga medical camp nung yaritep aser ADC Chiephobozou, Linda Solo-i anir lar staff-i süngojemtsü anepalua agütsü.
Iba medical camp nung temeket aliba yimtsüngtem nung shiranger nisung 273 arua angati temang tendangba den mozütem angu.