Chiephobozou nung community mobilisation training ka agiogo

Dimapur, April 12 (TYO): April 11, 2017 nü Chiephobozou Nerhe Model village Council Hall nung RTE Act 2009, SMC teinyaktsütem shilem, Inclusive Education, Special training quality, civil mapatem, Swachh Bharat, UDISE, CAL Social Audit Accounting & Financial, Pedhe Bharat, Badhe Bharat, Shagun onüktem nung community mobilisation & sensitization training ka agiogo.
Iba sentong nung jembidang Chiephobozou SDEO, Visayieca Angami-i School Management Community (SMC) dang school mapatong ajak anepalua ketdangsütsü aser school tem terenlok atema sorkari agutsüba senotsüji kanga shisa kaa amshitsü atema mepishia metetdaktsü.
Paisa SMC züngsemtem dang tajungba amalitepa inyaktsü atema tesayurtem den tesendaktep ano tali yanglushitsü ajungshi.
Okila jembidang Assistant District Coordinator DMA, SSA, Thongsenlo-i, SMC züngsemtemji school achaayangtsü atema yimtsüng nüburtemi tajungtiba nübotem shimba lir, ta ashiba den külemi kaketshirtem tarutsü tiaji tesayurtem kapu nung lir, anungji tarutsü putu atema parnok junga sayutettsü ajungshi.
Paisa SMC züngsemtem aser tesayurtem dang pei teinyaktsü mapa kanga nendaka inyaktsüla, kechiyong tarutsü tia yanglurtemji nenok lir, ta ashi.
Deputy Mission Director, SMA, SSA, Theyievilie Suohumvü-i SMC züngsemtem aser tesayurtem teinyaktsü shilemtem nung ajemdaker jembia liasü.
Iba sentong nung Thekielie Keditsu, Deputy Mission Director SMA, SSA, Theresa, Project Assistant SMA, SSA Kohima, Meren Ao, Assistant Coordinator SMA, SSA, Kho-u Metha. ToT EBRC Chiephobozou, Mhonchumon Kithan, Additional Director Treasuries & Accounts, FC SMA, SSA Nagaland aser Nukshila Angy IE, Coordinator SMA, SSA nungeria jembi.
Khriengulie ToT, EBRC Chiephobozou-i tepela anküp o jembia iba sentong tembanga liasü.