Chiephobozou police-i bike auyar ka apu

Dimapur, July 21 (TYO): July 13, 2017 nü Department of Agriculture, Nagaland meyong motorbike (NL10/9190 Discover) ka Peducha-Chiedima lenmang tsüngda sama, ta Chiephobozou P.S nung osang sangoktsü.
Iba osang angashiba sülen Chiephobozou police check gate nung police temi mita atadang number plate maliba motorbike ka aru. Check gate nung police-i bike ji anenang ta ashi, saka tanisang jagi bike ji maneni dang kanga kara anir oadok aser police-i arishia aoba sülen Botsa anasa apu, ta Sub-Divisional Police Officer (South) & PRO, Atu Zumzü NPS-i sangdong ka nung metetdaktsü.
Bike anisangji Zunheboto kübok Kahoshe Sukhalu’er jabaso Atoka Sukhalu (23) lir aser paji Khehokhu 4th Mile, Dimapur nung telidak lir, ta sangdong nungsa shia lir.
Taoba mapang nunga iba kasa nisungba ya motorbike auyaba ken o tem nung tai tonglokja lir. Police-i pa dang asüngdangya asüba sülen ano TVS Motorbike (No. AF1GA1285505, chasis No. MD625NF14AIG51291) ka pa ket nungi ngutet. Iba bike sentsüji temeren lir aser 3rd Mile, Dimapur nung angu, ta Kohima Police sangdong nungsa metetdaktsü.
TVS Motorbike kiburi kulikaket shitak bener Chiephobozou PS (Tel No. 8575045506) ket nungi meshizüktsü akok, ta Atu Zumvü-isa ashi.