Child Teachers’ Training Impur nung Tenzükogo

Dimapur, July 18 (TYO) : July 17 aonung Impur Mission Centre nung Christian Education Director-tem aser tanur tesayurtem training sentong tenzükogo.
Iba mezüngbuba sentong nung Ongpangkong Christian Education Directortem-i tenüngsang aser tetushi sentong len ani, Mrs. Abenla Aier, ABAM Child Promoter menden asü aser Rev. P. Chuba Jamir, ABAM Church Promoter ajanga ‘Tesendaktep terenlok tsütsü Ternemjem Tesayur’ onük nung ajemdaker jembi.
Rev. P. Chuba Jamir-i o jembidang, kechi agi-sa tenzüker o tenzüker na tsüngda tesendaktep raksatsür aser iba tesendaktep raksatsüba mapa-temji koda kokteta Tsüngremer wadang nung tejang jenti tanga tenzüktsü item indang shia liasü.
Ano paisa koda kerinaka lenir kaji sempet junga lidir liaka pai/lai tesendaktep junga meyanglutetra pa/la mapa nung tejang tanga maotsü, anungji tenzüker shiai iba tesendaktep yangluba aser renlokba tsutsu temulung agutsutsüla ta telok ayongzüka liasü.
Iba sentong nung Arogo 95 nungi Christian Education Director aser tanur tesayurtem ajak agi 179 tashi arua tendaki.
Sentong nung tongti shisalen sayurji Dr. Adela Mero, Asstt. Director, Resource Centre, Dimapur nungi lir.