CHILDLINE-i kaketshirtem nem POCSO Act, 2012 tesayuba agütsü

Dimapur, July 01 (TYO): CHILDLINE Dimapur-i Assisi Hr. Sec. School, Kher Mahal nung POCSO Act, 2012 indang sensitization programme ka katsü aser iba sentong nung Team züngsem, Kr. Amanwange Newmai-i teyari aser kümzüktsü nüngdaka aliba tanurtem asoshi 24×7 national toll free emergency phone call service, CHILDLINE 1098 indang metetdaktsü.
Laisa CHILDLINE-i teyari balala agütsüba indang noksa den sayua lemsatep, iba sülen lai kaketshirtem dang timtem balala, counseling aser osangtsüsang atema mashie mapang nung 1098 dangi call asütsü ajungshia liasü.
Tanabuba sentong nung CHILDLINE Centre Coordinator, Lozua Kape-i tanurtem temeten balala indang lemsatepa liasü.
“Meimchir ajak temeten angutsü temsüa lir. Ajisüaka taküm alitsü aser renloktsü atema tanur kati teyari aika nüngdaker, aser iba atemaji tanurtem atema ozüng aser Acts kar benoka lir,” ta lai ashi.
UNCRC-i benokba temeten pezü- Right to Survival, Right to Development, Right to Protection aser Right to Participation indang tanurtem dang metetdakja liasü.
Kape-i ashiba agi, tanurtem kümzüktsü atema CHILDLINE nükjidongji, lokti nung tanur shinga timtem aser lendongi meidaktsütsütsü nükjidong nung lir.
Tasembuba sentong nung CHILDLINE Counsellor, Aligha V Yeptho-i POCSO Act, 2012 indang tongmelang agi lemsatep. Laisa, tanur dak jabujariba nung ajemdaker CHILDLINE India-i yangluba educational film, ‘Komal’ sayua liasü.
Laisa POCSO Act kübok Child Sexual Abuse; Sexual harassment, Non penetrative Sexual Assault aser Penetrative Sexual Assault indang lemsatepba den külemi aibelener atema temerenshi indang metetdaktsü.