Chile aser Argentina na semi-final tongogo

COPA AMERICA

Santa Clara, June 19 (Agencies) : Eduardo Vargas-i Chile atema goal pezü tashi yoka par taloki Mexico madak 7-0 agi takok nguogo. Honibarnü parnoki iba takok anguba ajanga semi-final jenjang tongtetogo.
Vargas-i minute 13 tsüngda nung (minute 44, 52 aser 57) hat-trick ka yanglu aser par telok Chicago nung Bodhbarnü Colombia den semi-final asayatsü.
Iba ama asayamong tulu nung Mexico atema tan tamakok ya tamakok ajak dang tamajungtiba lir.
Argentina nung 1978 World Cup asayaba mapang Mexico-i 0-6 agi West Germany madak tamakok ngua liasü.
Tan asaya nung Chile nungi Edson Puch-i asaya tenzüker minute 16 aser 88 buba tem  nung goal kaka yok. Iba den külemi Arsenal nungi asayar Alexis Sanchez-ia minute 49 buba nung goal ka yok. Vargas-i minute 74buba nung goal pezü bua yoka liasü.
Ano külen Honibarnüsa Gillette Stadium nung quarter-final asayadang Argentina-ia parnok sempet sayua 2011 Copa America final tongteter Venezuela telok madak 4-1 agi takok ngua melamela semi-final tongtetogo.
Iba asaya nung Gonzalo Higuain-i minute 8 aser 28 nung goal kaka yok, Lionel Messi-i minute 60buba nung goal ka yok aser Erik Lamela-ia minute 71buba nung goal ka yok.
Messi-i Honibarnü goal ka yokba ajanga Argentina atema goal 54 yoka alisang Gabriel Batistuta den saku kümogo.
Semi-final nung Argentina aser US na asayatsü.