Chimonger nungi mezüngbuba NPSC officer nem tenüngsang agütsü

Kohima, April 3 (TYO) : Deobarnü Chimonger Union Kohima-i parnok yimtsüng nungi mezüngbuba Nagaland Public Service Commission (NPSC) officer Rohbi Sangtam nem tenüngsang agütsüba sentong agi.
Iba sentong nung Cooperation & MARCOFED Adviser, Imtilemba Sangtam-i o jembidang Rohbi Sangtam-i takok tulu anguba atema Tsüngrem nem tenüngsang agütsü.
Tsüngrem teyari ajanga Rohbi-i takok angu aser Chimonger yimtsüng nungi mezüngbuba NPSC ketdangser menden angu, ta Imtilemba-isa ashi.
Imtilemba Sangtam aser Rohbi Sangtam na ya Chimonger yimer lir aser iba yimtsüng ya Tuensang district kübok Longkhim Chare assembly constituency nung lir.
Sangtam nunger yim tulutibaji Chimonger lir ta osang angazüker aser yimertem rongnungi NPSC nung takok angur mezüngbubaji Rohbi lir. Pai EAC tatidang nung takok ngua liasü.
Tanü sentong nung Rohbi-i ashiba agi, pai tasembenbuba nung NPSC tatidang nung takok angu aser iba asoshi Tsüngrem tenüng asanger.