China anentsüh lendong nung nisung 35 sama

Beijing, May 8 (Agencies) : Deobarnü China Fujian province nung anentsüh lendong atalokba mapang samaba, tajemba agi nisung 35 mangur.
Taining county nung iba anentsüh lendong ajanga nisung tenet shi yiru, ta Xinhua news agency osang ajanga metetdaktsü.
Lendong nung yirur aser sama-er mangu alirtem yaria bushitsü atema teyarir telok kanga mazüngi inyaktepdar.
China Tir, Xi Jingping-i lendong agi kongshir mangu bushirtem akokba tashi agi tekaraba nung yaritepa bushiteptsü, ta metetdaktsüogo.
Anentsüh agi rembanga alirtem aser ano lendong nung samar alirtem tekaratiba nung bushitsü atema kanga meranga inyakang, ta pai tetuyuba agütsüogo aser yirur alirtem kanga junga anepalua yariang, ta shisem.
China Premier Li Keqiang-ia, anentsüh lendong agi samar alibatem aser yirur alirtem bushiba mapa kanga nendaka inyakang, ta tezüluba nung agütsüogo.
Honibar aonung nungi tenzüka tzünglu 191.6 mm maneni aluba ajanga iba anentsüh lendong ya atalok.