China-i 14 buba Uber Cup takok marok agizükogo

 China anüdoklen, Kunshan nung ayonga asayaba Uber Cup badminton championship takok marok agizükba sülen China teloki telok noksa ka agitsü asoshi renemshia ataba noksa ka yangi angur. (Kunshan, May 21)

Kunshan, May 21 (Agencies): China’er tetsür badminton teloki points 3-1 agi South Korea telok madak takok ngua Uber Cup takok marok tanü, Honibar nü agizükogo.
2012 küm nungi tenzüka tan agi takok marok 3 buba atonga agizükba densema, China tsürtemi tan agi Uber Cup takok marok 14 buba agizüker lir.
Tanü asaya nung Olympic champion, Li Xuerui-i points 14-21, 21-13, 21-10 agi Sung Ji-hyun 1 buba singles asaya koka par China temaba jenjang nung ajungkettsü.
Ajisüaka, Jung Kyung-eun-Sin Seung-chan-i points 16-21, 21-17, 25-23 agi Tian Qing-Zhao Yunlei tsüdaktsüba yong par telok anaprongla points 1-1 agi kasa jenjang aküm.
Tesülen, taoba World No.1, Wang Shixian-i points 21-13, 21-12 agi Kim Hyo-min madak takok anguba den külemi, doubles asayar, Chen Qingchen o Tang Yuanting nati points 21-14, 21-16 agi Chang Ye-na o Lee So-hee na tsükdaktsüba ajanga par China-i points 3-1 agi temaba jenjang ngua tanü asayaji kokadok.
Ano külen, tebur telok asoshi ayongba Thomas Cup asayamong nung Denmark teloki points 3-2 agi Malaysia madak takok ngua yashi, Brehostibar nü final-i aiba osang jangjaogo.
Tanü tashi nung 8 ben tashi tanabuba jenjang angur, Denmark teloki Indonesia telok den asüng, Deobar nü final asayatsü.