China-i alima nung anüshi tulutiba yangluogo

Beijing, August 4 (Agencies): Jiangxi province, China nung aliba anüshi yanglur company kati yanglutetba anüshi ka ajanga, Guinness Book of World Records nung alima nung aliba anüshi rongnung tulutiba otsü yangluogo, ta Mongulbar nü media ajanga metetdaktsü.
Iba jakdang anüshi tulutiba otsüji India nungeri 2010 küm yangluteta liasü aser iba anüshi telungtet nung metre 17.06 aser metre 10.97 talang liasü, ta Global Times ajanga ashi.
Tan China nungeri yanglutetba anüshi telungtet nung metre 23 aser metre 14.4 talang lir aser iba anüshi ya alima nung anüshi tulutiba, ta China nunger Guinness World Records nung inyakertemi Xingzi County nung Hombar nü telemtetba agütsü, ta osang ajanga metetdaktsü.
Iba anüshi ya tonne 5.7 taret lir aser iba yagi mesanga ayuba plaza nung sq.m 418 amokbanger.