China-i alima nung radio telescope tulutiba amshi tenzükogo

New Delhi, September 25 (Agencies): Deobarnü China-i Guizhou province nung alima nung radio telescope tulutiba amshi tenzükogo.
Tanü anjongmeshi mapang metre 500 telongtet- Five hundred metre Aperture Spherical Telescope’s (FAST) mission tenzükba reprangtsü atema astronomy jangrar nisung noklang aika Pingtang country nung adenshia liasü, ta Xinhua osang ajanga metetdaktsü.
Iba telescope ajanga space aser tanga limatem nung ‘aliens’ aliba bushitsü.
China nunger astronomers temi benokba sülen küm tenet lir 2011 küm iba project ya 2011 küm yaun sen billion 1.2 jungnüa intoka tenzüka liasü.
Telescope indang tongti structure ji 4,450-panel reflector ka lir aser iba ya football asayaba moapu 30 shi tasazük lir aser iba project ya taküm July ita nung tembanga liasü.
Aperture Spherical Telescope’s (FAST) mission ya küm pongu agia yanglu aser iba project nung US sen million 180  intokogo. Iba telescope ajanga Puerto Rico nung aliba metre 300 telongtet- Arecibo Observatory ajatetogo.