China-i Cambodia nung ‘twin towers’ talangtiba yanglutsü

Beijing, January 05 (Agenices) : China nunger company ana senteper Phnom Penh, Cambodia nung oa alima nung ‘twin towers’ talangtiba yanglutsü.
Cambodia yimtiba Phnom Penh nung alima nung aliba twin tower tem rongnung talangtiba tower yanglutsü atema China nunger indang company anati contract ngutetogo, ta thepaper.cn osang ajanga metetdaktsü.
Iba twin tower ya metre 560 talang asütsü aser yangji tatongtep 133 alitsü.
Twin tower ya yanglutsü asoshi sen billion dollar 2.7 bid asü aser iba ya yanglutsü contract ji ita 60 atema lir.
Iba contract ngutetertemi sangdong ka ajanga ashiba agi, iba twin tower indang project ya Phnom Penh yimti tiyong nung lir. Iba project nung shishilembaba tesem, office, ki talitsü, exhibition sayutepba hall, hotel tem aser ali telunglen tatongtep pezü lua gari anenba tesemtem keta lir.
Twin tower ya square meter million 1.5 nung yanglutsü aser Southeast Asia nungbo ibai trade center rongnung tulutiba asütsü.
Tang alima nung twin tower talangtibaji Kuala Lumpur, Malaysia nung aliba Petronas Towers lir. Iba tower ya meter 452 talang lir.