China-i linük 158 den technology tesendaktep yua lir

Beijing, January 13 (Agencies) : China-i science & technology tsütsü linük 158 den tesendaktep yua lir, ta Hokolbarnü Ministry of Science & Technology sangdong ka ajanga metetdaktsü.
Ministry-i ashiba agi, science aser technology tsütsü tesendaktep ajak agi 111 tashi sorkartem den mulungtepa sign süa lir aser linüki sorkar lokti balala 200 dak tema shi nung dena iba mesükba tesendaktep ulushir, ta osangbenertemi ashi.
Kodanga marakzütsüsa tanga sorkartem den tesendaktep ayubaji ajanga linük nung science tsütsü renloktsü aser technology tesendaktep ulua akümtsü, ta ministry sangdong nungji shia lir.
Chinese embassy tem nung science aser technology office 70 tashi lapokogo aser linük 47 nung diplomatic missions tenzükogo, ta ministry osang ajangsa ashi.