China-i navy indang ‘electronic intelligence’ rong sayaogo

Beijing, Janury 12 (Agencies) : China Navy-i ‘electronic reconnaissance ship’ tasen ka sayaogo, ta Brishotibarnü osangbenertemi metetdaktsü.
Tang South China Sea nung tzü raktepba tensa ka nung Iba rong yagi linük asoshi mapa tulu inyakba nung yaritsü.
People’s Liberation Army (PLA)-i tang electronic reconnaissance rong trok tashi amshidar, ta linük nung English osangkaket ka ajanga metetdaktsü. PLA-i tesüiba mapangtem nungbo raradang amshiba rongtem indang osang kodanga yamai temai adokasa memetetdaktsüi liasü, ta kasa osang nungji shia lir.
Yaküm küm PLA Navy-i missile khasatsüba rong ka, missile khaloktsüba rong aser rara dang amshiba rong tesashi ka dena rong 18 tashi raradang amshitsü temelaba agüja liasü, ta osang nungji shia lir.
China-isa ano parnoki tanabuba tayimtsü abenba rong ka yangludar ta metetdaktsüogo.
Kasa osang ajanga ashiba agi, tan sayaba electronic reconnaissance rong tasenba, code no 856 zülua aliba CNS Kaiyangxing mesüra Mizar ya Mongulbarnü nungi Qingdao nung aliba North Sea nung raradang amashiba rong telok rongnung densemogo.
Kaiyangxing yagi tsüngsang mopung ajak kokteter, aser nükjidong ajak nung metitemi osang shitak agütsütetba rong ka lir,” ta osang ajanga ashi.