China-i ‘remote-sensing satellite’ pezü kahkettsüogo

Beijing, October 08 (Agencies): China Bodhbarnü ‘remote-sensing’ satellite pezü anünglak nung amenogo aser ibaji ajanga ‘remote-sensing space technology’ nung kanga yaritsü.
Item satellite tem dang “Jilin-1” ta ajar aser item ya Gansu province, China nung aliba Jiuquan Satellite Launch Centre nungi kahkettsü. Item satellite pezü rongnung ka optical remote-sensing satellite, satellites for video imaging ana aser ka imaging technique testing lir, ta launch centre-i ashiba Xinhua osang ajanga metetdaktsü.
Satellite pezüprong ya Chang Guang Satellite Technology Co. Ltd-i yangluba lir.
Onoki terenlok mapa, ali telung nung aliba rongsen asadangtsü, raliwali jajadang tesem metettsü asoshi ‘mapping’ inyakyim aser memetetba lendong nungi kümzüka aliyim asoshi ‘remote-sensing data’ nung nüngdakba tem nung tongti shilem agitsü, ta company sangdong ka ajanga ashi.
Item satellite tem ya ‘Long March-2D rocket’ ajanga kahkettsü aser tan agi ‘Long-March-series’ ajanga mission 213buba inyaker asütsü.
“Tarutsü mapangtem nungibo satellite ajanga ngutetba osangtem lemsateptsü aser satellite inyakyim ajak kanga telungi ia asadangtsü,” ta company nung board chairman Xuan Ming-i ashi.
Jilin provincial sorkar, Changchun Institute of Optics, Fine Mechanics & Physics of the Chinese Academy of Sciences aser nija company kar teyari ajanga Chang Guang Satellite Technology Co. Ltd-i 2020 tashi nung satellite 60 aser 2030 tashi nung 137 kahkettsütsü sentong lir.