China-i Tianjin nung nüngshilung ka yanglutsü

Beijing, September 6 (Agencies) : Taoba ita China kübok Tianjin nung industrial lendong tulutiba nung nisung 160 asüba bilemeta nüngshilung ka yanglutsü.
Lendong atalokba tesem nung ali tasazük hectare 24 nung park ka yanglutsü aser iba nung tasürtem atema nüngshilung ka yangluloktsü, ta Binhua New Area Planning and Land Resources Administration-i Honibar nü metetdaktsü.
Iba denji külemi, iba tesem nungsa primary school aser kindergarten tem lapoktsü sentong lir. Ano, iba lendong nung ki samartem nem apartment 5,000 shi lemzüktsüogo, ta parnokisa ashi.
August 12 nü Tianjin Port nung aliba oset ayudak ka nung tapoktsü tulu ana apok. Iba tesem nung sodium cyanide tonne 700 shi ka den toxic chemicals aika yua liasü.
Lendong nung taküm samartem parnok 160 rongnungi mi enseper 96 aser police 11 densema liasü. Iba lendong nung mi enseper 8 aser civilian 5 samar ano mongui lir aser nisung noklang aika mozüki nung anepaludar.