China-India arrtsü dak sendakba nung party ajak senden ayonger

New Delhi, July 13 (Agencies): India-China arrtsülen linük ana sepaitem tsüngda rara adoktsüsa aliba tensa dak sendakba nung Hokolbarnü (July 14) Centre sorkari party ajak senden ka ayongzükogo, ta Brihostibarnü sorkar osang ka ajanga metetdaktsü.
Party ajak sendenji Union Home Minister, Rajnath Singh’er kidang nikongdang 5:00 ako nungi tenzüka amentsü, aser iba senden nung opposition party tem dang June ita nungi tenzüka Sikkim nung aliba arrtsülen atalokba osangtem metetdaktsütsü.
Iba senden nung National Security Adviser, Ajit Doval aser Foreign Secretary, S Jaishankar nata adentsü, ta kasa osang ajanga ashi.
July 17 nü nung nungi tenzüka tzüngluruwa mongpu Parliament senden amentsü lia External Affairs Ministry-i party ajak senden ya ayongzükogo.
June ita nungi tenzüka Sikkim arrtsülen anasa India-China-Bhutan tri-junction nung China aser India sepai na tsüngda rara adoktsüsa lir.