China museum timba ka ainertem nem angadi reprangdaktsür

Beijing, May 18 (Agencies): China linük nung tang tashi nung museum 4,700 dak tema züluoka lir aser item rongnung shilem 85 bo ainertem nem angadi dang reprangdaktsür, ta linük sobaliba ketdangser kati ashi.
2015 tatem tashi nung museum 4,692 tashi sorkar den tenüng züluokogo. Küm shia item meseum nung aliba osettem sayutepba sentong 20,000 shi akar aser iba mapang nisung million 700 shi arua repranger, ta State Administration of Cultural Heritage nung tekolakba, Liu Yuzhu-i ashiba Xinhua news agency osang ajanga metetdaktsü.
“Museum ajanga alemli sobalibatem meteta akümer,” ta Liu-isa ashi.