Beijing, December 17 (Agencies): China kübok Henan province nung archaeologist temi chipo ka nung küm 2,000 tejakdang yangluba shitzü aliba nguteta lir, ta Brihostibarnü ketdangsertemi metetdaktsü.
Nashi teret aser chiyongtsü tapu aika inoka yangluba shitzü ya Hombarnü Chengyang district kübok Xinyang yimti anasa alemli indang leper ka atudang tutet, ta osanga ajanga ashi.
Archaeologist temi iba shitzü yangluba küm mesüra parnoki nguteta aliba osettem yangluba küm tejangja ano mashi. Saka Regional archaeological institute ajanga ashiba agi, item osettem ya alemli aliba Chu state indang lir. Iba ya 700 aser 200 BC mapang aliba chuba yimlitem rongnung ka liasü.
Brihostibarnü iba institute-i tereprangtsü balaka asüba shitzü indang noksa social media nung lemsatepogo aser tang iba shitzü ya Weibo(Chinese nunger Twitter) nung bushisüngdangdar.
You must be logged in to post a comment Login