Beijing, March 6 (Agencies): China nunger Scientists temi longpok (sink hole) tarok ka nguteta lir. Iba longpok ya khenyongi balaka lir kechiba süra longpok nungji taküm aliba shiruru aika lir.
Metre 420 tarok longpok ya scientists temi Donglan county, Guangxi Zhuang nung February 26 nü nungi tenzüka anogo ti nung bushisüngdanga jajaba mapang ngutetba kechisarena aika rongnung ka lir.
Longpok tanga temjibo metre 250 tarok tem dang lir, ta Xinhua news agency ajanga metetdaktsü.
Iba longpok nung lah aser per na dena taküm shiruru tapu aika alir. Scientists iba longpok nung mejangjatetba shiruru aser süngdonglidonga kar nguteta lir.
Iba amala longpok ya China, Mexico aser Papua New Guinea lima tem nung kanga bulua lir.
You must be logged in to post a comment Login