China nung nisung tain million 240 akümtsü

Beijing, October 2 (Agencies) : China nung 2020 tashi nung arishi küm 60 tema pur nisung million 240 akümtsü.
2020 nungi item nisung tain rogo agi China netsüng yongsük noklang nung shilem 17 ajungtsü, ta National Health & Family Planning Commission, deputy head, Liu Qian-i ashiba Xinhua news agency osang ajanga Deobarnü metetdaktsü.
Liu-i, linük nung nisung million 260 tashi majungtsü tashidak agi tonger lir aser yamala mesükba tashidak agi China netsüng noklang nung shilem 86 tashi asür, ta ashi.
Yaküm linük nung manemer shia dak sen ajak agi dollar 472 intokba jangjaogo, ta Liu-isa ashi.