China nung taila iPhone yanglur apu

Beijing, July 26 (Agencies): China police- temi Beijing nung aliba company kati Apple US sen million 19.6 alang, iPhones 40,000 yangluba putetogo, ta media ajanga metetdaktsü.
Police-i iba dak sentakba nung nisung tuko puogo aser assembly line trok den cell phone yangluba oset million ka dak tema iba company nungi ngutetogo ta ashiba Xinhua osang ajanga metetdaktsü.
China nung yangluba phone taila US nung apuba sülen taküm May ita nungi police-i bushisüngdang mapa tenzüka liasü.
Ketdangsertemi ashiba agi, iba compangy yagi phone tejen nung aliba ‘main board’ tem tanga linük nungi alizüker aser ‘logo’ temji Shenzhen nungi alizüker.
Parnoki item oset temji phone küma yanglutsü asoshi nisung noklang aika taa agüja inyakdaktsür aser tanga linük nung ayoker ta police-i ashi.