China nung tanur ka temoyong 15 aser temesüla 16 tener aso

Hunan, May 5 (Agencies) : Ita pezü tain, Hong Hong dak temoyong aser temesüla 31 tena lir. Iba tanur dak ‘polydactylism’ tashidak keta aliba ajanga pa temoyong aser temesüla tangar dang nungi tali keter aso.
Tsüraburtemi taoksa nung pa tebok nung aliba mapang scanning agidang ajak shitak lir ta ashiba metetdaktsü.
Hong Hong ya January ita Hunan province kübok Pingjiang County nung aso aser pa dak tekapu tachiji temoyong ti aser tabelen temoyong tenet tena lir. Iba den külemi ano pa temopu shia nung temesüla ti-i tena lir. Pa teben anaprong nung teka anana keta lir.
Iba tashidak ya azü nungi aruba tashidak ka lir ta tetshir kechiba süra iba kinü tettsü dak-a temoyong aser temesüla talila tena lir.
Hong Hong tebu-i ashiba agi, tanur temoyong intoktsü atema surgery agi nung China sen, Yen 200,000 nüngdaktsü.
Apuani nati tanur surgery agitsü atema online ajanga tenla bendendar aser tenati tang tashi nung China sen, Yen 40,000 dak tera tema bendenteta lir.