China nung tenlaki bensatsüba sülen arogo lennir 5 apu

Shangqiu/Henan, June 23 (Agencies): China kübok Henan province nung ketdangsertemi June 8, 2017 nü arogo lennir 5 apu. Ketdangsertemisa tenlaki bensatsüba sülen Khristantem atenshiba kidang ‘power supply” agientsü.
Shuangmiao Church nung lennir pezü- Huang Xiangju, Zhao Wenjing, Guo Chungai aser Lü Yuexia nungertem taküm May 5 nü apu. Par pezü den ano anameta aliba arogo ka nung sannüker Zhang Di apu.
June 17, 2017 nü Shuangmiao Church nung züngsem kati osangbener dang ashiba agi, arogo züngsemtemji tenlaki bensatsüba sülen-a atenshitsü merang. Ketdangsertemi parnok dang sentep magitsü atema tetuyuba agütsü saka parnoki tenlaki kimung tejaklen, khen atema tenlaki ka yanglutsü merang.
“Onok power supply mali. Sorkar mapa inyakertemi electricity meter agizüka bener o aser wire tem agien” ta paisa ashi.