China nung yangluba Drone ka Pakistan nung kazük

Beijing, July 18 (Agencies): Tawa Pakistan nungeri India meyong Drone ka kazük, ta tai tonglokja liasü saka iba Drone ji China nung yangluba lir, ta China linük osangkaket ka ajanga metetdaktsüogo.
Iba drone ya ‘DJI phantom 3’ lir, ta Beijing nungang jangja liasü, ta Observer website ajanga ashiba people osangkaket ajanga metetdaktsü.
‘Phantom 3 Advanced’ ya tanü asüng drone rongnung tapu ajak nung tashi taittiba lir, ta osang ajanga ashi.
Iba drone ya US sen dollar 1,200 agi ayoker.
DJI ya China nunger technology company ka lir aser iba company ya 2006 küm Frank Wang-i tenzük koba Shenzhen, Guangdong nung amenok. Iba company yagi ‘commercial o recreational’ atema osettsüset tem yanglur.
Iba drone ya Pakistan nung kazükba sülen parnoki, India nunger meyong itdangitba drone ka kazükogo, ta sangdong, ajisüaka India nunger linük meyong masü saka drone ji China nung yangluba lir, ta metetdakja liasü.