China nunga ‘Baahubali’ film May ita nung sayatsü

Chennai, February 13, 2016 : E Star Films-i China nung taküm May ita nung Baahubali film screen 6,000 nung sayatsü.
S.S. Rajamouli-i yangluba film “Baahubali” ya India nung blockbuster rongnung tulutiba ka lir aser E Star Films-i May ita nung China nung screen 6,000 nung sayatsü.
China nung India nunger film sayaba rongnung iba sayaba ya tuluba asütsü. Baahubali film ajanga Aamir Khan-i shilem agiba PK film jenjang atsüngtoktsü kechiba süra PK bo screen 5,000 nung dang saya.
Film yanglurtemibo iba film ya tan ita sa sayanüa liasü ajisüaka anogo tetemjen madokba ajanga thinentsüsa aküm,” ta production team osang ka ajanga IANS dang ashi.
“Baahubali” film ya Latin America aser Japan linüktem dena international territories 30 tashidang yokogo.
Tang iba film idang tanabuba shilem tetangokdak lir aser taküm küm tatemlen mesüra sangküm küm tetenzüklen sayatsü imlar.