China nunger-i yanglutetba ‘Tianhe-2’ ta ajaba computer-sa tekaratiba

China nungeri tawa yanglutetba ‘Tianhe-2’ ta ajaba supercomputer ya alima nung tajungtiba aser tekaratiba süa tan agi trokben buba (June 2013, November 2013, June 2014, November 2014, June 2015, aser November 2015) atonga atonga tematiba jenjang nung lir ta Biannual Top 500 list of supercomputers ajanga sangdongogo.

Tianhe-2 dang Milky Way 2 ta-a ajar, iba  ya National University of Defence Technology China nung yanglu aser National Supercomputer Center, Guangzhou yimti nung scientists aser engineer parnok 1,300 agi yanglu. Iba computer yagi second ka nung 33.86 petaflops (Pflop/s) tashi kara mapa inyakteter. Saka iba Computer CPUs aser coprocessor boards Intel application-ji tanga linüktem nungbo prokshia ayoktsü US government-i dangbo memelai lir.