China nunger nisung million 620-i phone ajanga internet amshir

Beijing, January 24 (Agencies) : 2015 küm tatemlen tashi nung China nunger nisung million 620 shi kati mobile phone ajanga internet amshiogo aser ibaji alima nütsüng yongsük tesadang ka shi lir.
2015 küm China nungeri phone ajanga internet amshibaji 63.03 million ajungket aser ibaji linük nung internet amshir 63.03 million nungi shilem 90.1 liasü, ta China Internet Network Information Centre (CNNIC) ajanga metetdaktsü.
China nunger internet amshir nütsüngtemi mobile phone kanga bulua amshir aser nisung million 127-ibo cell phone ajanga dang internet amshi, ta CNNIC osang ajanga metetdaktsü.
2015 küm China nung nisung million 358-i mobile payment services, million 152-i online ajanga doctors den tongtepratep aser nisung million 110-i internet ajanga education teyari bushi, ta parnokisa asjhi.
Ano, 2015 küm China nunger 96.6 million-i online ajanga taxi teyari angu. China nung online shoppers 413 million shi lir aser yaküm nsiung million 50-i online shopping mezüng tenzük, ta CNNIC-isa metetdaktsü.