China nunger sepai 250 Arunachal telungi ait

New Delhi, June 13 (Agencies) : Taoba hopta Chinese army-i Arunachal Pradesh kübok Yangtse tesemi ait ta osang ka angazüker.
Nuclear Suppliers Group (NSG) nung India züngsemtsü atema inyakba mapa China-i noktangba mapang kasa nung Chinese army nungi sepai 250 shi India litsü telungi ait ta osang ajanga metetdaktsü.
June 9, 2016 nü Peoples’ Liberation Army nungi sepai 250 telok pezü lemsar arrtsü adena Arunachal kübok East Kameng district-i ait. China nunger sepaitemi ghonda asemshi anenzükba sülen tanaben parnok litsüi meyipa ao, ta osang ajangasa metetdaktsü.
Iba dak sendakba nung Indian Army-i China sorkar den ken o ka benoktsü atema telemtetba agiogo.