China nungeri lenmang yangluba anentsü mulungogo

Itanagar, Anejeti 10 (Agencies): China nungeri Arunachal Pradesh, Upper Siang district kübok Bhising tesem nung lenmang yangluba anentsü asoshi mulungogo.
Chief of Army Staff, General Bipin Rawat-i ashiba agi, “Arrtsü nung ketdangsertem senden ka akaba sülen mangatettep aliba tem ajak bentetogo.” India aser China nunger sepaitem iba ken o dak sendakba nung Aenjeti 6 nü senden ka kaogo.
2017 Luchi 26 nü Arunachal Pradesh, upper Siang district nung Line of Actual Control (LAC) tsütsü China nungeri India nunger litsü nung lenmang tasen ka yanglua aliba ngutet.
India nunger sepaitemi lenmang yanglutsüba nokdangba sülen China nunger mapa inyakertem parnok indang excavators aser water bowsers tem toktsür meyipa ao.
Arrtsü nung ketdangsertem senden ka akaba sülen, India nungeri excavators aser water bowsers tem China nunger nem meyipa agütsüogo.
“China nungeri iba ken o kanga tangatetba tajung nung agizükogo. Arrtsü mejangjaba ajanga parnoki Line of Actual Control adena ait, ta agizükogo,” ta ketdangser kati ashi.
“China nungeri joko iba lenmang ya mamshitsü, ta onok nem tenangzükba agütsüogo,” ta paisa ashi.