Dimapur, Luchii (December) 22 (TYO): Peoples Liberation Army (PLA) nungi ketdangser 12-i December 21-22 anogotem Headquarters Eastern Command, Kolkata semdang.
PLA teshimtet telok nung lennirji Maj General Deng Zhiping, Deputy Chief of Staff, Western Theatre Command liasü aser pa den Defence Attache o Assistant Defence Attache of China in India na aru.
Anogo ka piyong semdangdang parnoki sensaksem mapangtem liasü aser Fort William repranga senzü. Parnokisa Victoria Memorial aser Indian Museum semdang.
Linük ana tsüngda Defence Cooperation akangshitsü aser LAC nung yimjung aser tensa süngjema ayutsü nükjidong nung PLA teloki Headquarters Eastern Command, Kolkata semdang, ta Col C Konwer PRO (Defence)-i sangdong ka nung ashi.
China nungi PLA ketdangsertemi Kolkata semdang added by asungba on
View all posts by asungba →
You must be logged in to post a comment Login