China Online Population Million 772 jungogo

Tsüklai 1, 2018 (Agencies): 2017 küm tatem tashi nung China nung online population million 772 ajung, aser iba nung million 40.74 bo 2017 küm züngoksemba tem liasü, koba 2016 den medemdangra shilem 5.6 agi timba akümba lir, ta China Internet development dak sendakba nung osang ka ajanga Rasemnü metetdaktsü.
China nung Internet availability rate shilem 55.8 jungogo aser iba ya global average dang nungi shilem 4.1 agi timba lir, ta China Internet Network Information Centre (CNNIC) sangdong ka ajanga metetdaktsü.
Taoba küm yimdak yimtsüng nung online population million 209 ajung koba 2016 küm dang nungi million 7.93 agi timba lir.
Taoba küm China nunger million 753-i Internet surf asütsüba atema mobile phone amshia liasü aser parnok yagi online population shilem 97.5 ajunger, ta kasa sangdong ajanga metetdaktsü.
Smart devices tem ajanga online industry ainba nung teyari agütsütsü. Online public services aser poverty reduction program tem ajanga China nunger aika temulung südaktsüogo, ta CNNIC sangdong ajangasa metetdaktsü.