China Open: Ghosal & Joshna quarterfinal tongogo

Shanghai, September 02 (Agencies): India nunger squash asayar, Saurav Ghosal-i takok ngua asayaba sülen tang tasayadak PSA China Open squash asayamong tebur singles quarterfinal-i yashi, Brehostibar nü iogo.
Tebur World No. 21, Ghosal-i yashi points 11-9, 8-11, 8-11, 11-9, 11-5-i World No. 8, Colombia nunger Miguel Rodriguez madak takok ngua, quarterfinal asayatsü jenjangji ajangzük.
Ghosal-i tan asayamong nung 6 buba jenjang abener, Egypt nunger Karim Abdel Gawad den par quarterfinal asayatsü lemzükogo.
Tetsür singles shilem nung külem senso tsür, Joshna Chinappa-ia points 8-11, 11-8, 11-4, 11-7 agi Egypt qualifier asayar madak takok ngua quarterfinal asayatsü jenjang anguba osang jangjaogo.
Tesüsa adoktsüba top 10 asayar tarensen nung tanaben densemtsü jenjang ngua alila, Joshna-i tan asayamong nung temaba jenjang abenla, England tsür, Laura Massaro den quarterfinal nung ajuruteptsü.
Ajisüaka, tang 19 buba nung alila, Dipika Pallikal-i lar asaya nung tamakok ajurua tan asayamong nung joko toktepa shilem magitettsüsa jenjang tamajung ajuruogo.