China Open: Ghosal o Joshna na quarterfinal nung tsükogo

Shanghai, September 03 (Agencies): Indian national champion, Saurav Ghosal aser Joshna Chinappa nati par quarterfinal asaya nung tamakok anguba sülen tang tasayadak China Open squash asayamong nung joko toktepa shilem magitettsüsa jenjang tamajung tanü, Honibar nü nguogo.
Ghosal-i minute 76 tashi kanga meranga asaya saka pai points 9-11, 3-11, 11-8, 11-5, 9-11 ngua, Egypt nunger Karim Abdel Gawad nem par quarterfinal asaya kokdaktsütsüsa jenjang ajurua liasü.
Tetsür singles shilem nung Joshna aser Dipika Pallikal Karthik natia tanü tamakok ajuruba osang angazükogo.
Tan asayamong nung 3 buba jenjang abener, Egypt tsür, Nouran Gohar-i points 11-5, 11-5, 11-5 ngua Dipika 1 buba round asaya nung tsükdaktsü.
Tan asayamong nung temaba jenjang abenla, England tsür, Laura Massaro-ia points 11-7,11-5, 11-6 ngua Joshna quarterfinal asaya nung tsükdaktsüba osanga jangjaogo.