China Open: PV Sindhu tanabuba Round nung tsükogo

Changzhou, Rongjui/September 19 (Agencies): Tang tasayadak China Open World Tour Super 1000 tournament nung Brehostibarnü PV Sindhu, Thailand tsür Pornpawee Chochuwong-i tsükdaktsüogo.
Chochuwong-i 21-12 13-21 21-19 agi Sindhu madak takok ngua liasü.
Iba asaya masüdang Sindhu-i la asemben tashi koker liasü saka taküm iba asayamung Chochuwong-i tajungba asayatetogo.
Kasa asayamung tebur tarep asaya nung Satwiksairaj Rankireddy aser Chirag Shetty nata Japan nunger tarep Takeshi Kamura aser Keigo Sonoda nati tsükdaktsüogo.
Satwik aser Chirag nati asaya junga tenzük saka kasa asaya yimya benshia masayateti 19-21, 8-21 agi Kamura o Sonoda nati tsükdaktsü.
Taküm küm tang agi tanabenbuba Satwik aser Chirag na Japan nunger tarep Kamura o Sonoda nati tsükdaktsüogo. Taküm July ita nung Japan Open asaya nunga India nunger tarep ya Japan nunger asayar anayagi tsükdakja liasü.
Maneni tarep temeyoktep asaya nung Satwik aser Ashwini Ponanappa nata Yuki Kaneko aser Misaki Matsutomo nati 11-21 21-16 12-21 agi kokogo.