China Open: Saina Nehwal semifinal-i iogo

Fuzhou, November 13 (Agencies): India’er tetsür badminton asayar mongin, Saina Nehwal-i Japan tsür Nozomi Okuhara madak quarterfinal asaya koka tang tasayadak China Open badminton asayamong tetsür singles shilem indang semifinal asayatsü jenjang tanü Hokolbar nü ajangzükogo.
Defending champion, Saina-i tanü minute 63 nung points 21-16, 21-13 ngua Nozomi tsükdaktsü.
Hyderabad tsürla, Saina-i tan asayamong nung 7 buba jenjang abenla, China tsür Wang Yihan den semifinal nung ajuruteptsü.
Wang-ia tanü points 21-18, 21-17 ngua tan asayamong nung 4 buba jenjang abener, Taiwan tsür Tai Tzu Ying quarterfinal nung tsükdaktsü.
Ano külen, China’er Olympic champion, Li Xuerui-ia külem sensotsür, Wang Shixian den semifinal asayatsü jenjang nguogo.
Wang-ia tanü points 21-13, 10-21, 21-10 ngua Spain tsür, Carolina Marin madak takok ngua semifinal-i aiba osang jangjaogo.