China Open: Saina tsükogo; Kashyap-i takok angu

Yimpoksüi/November 6, 2019 (Agencies): Tang Fozhou nung asayaa aliba China Open nung Bodhbarnü Saina Nehwal, China tsür Yan Yan Cai-i koka mezüngbuba round nung tsükogo.
World number 9 Nehwal, 9-21 12-21 agi Yan Yan-i koka liasü.
January ita Indonesia Masters akokba sülen temang nung timtem aliba ajanga arishi küm 29 tain Saina junga masayateti arudar.
Taoba ita French Open nung quarter final tonga masaya tsüngda la asayamung asem tashi nung mezüngbuba round nung tsüka liasü.
Kasa asayamung tebur kija asaya nung Parupalli Kashyap-i 21-14 21-13 agi Thailand nunger asayar Sitthikom Thammasin kokogo. Tanabuba round nung pa Denmark nunger asayar Victor Axelson den asayatsü.
Tebur kija asaya nungsa World Championships bronze medallist B Sai Praneeth tanabuba round-i iogo. Mezüngbuba round nung pai Indonesia nunger asayar Tommy Sugiarto 15-21 21-12 21-10 agi koka liasü. Pa taruba asaya Denmark nunger asayar Anders Antonsen den asayatsü.
Ajisüaka Sameer Verma 18-21, 18-21 agi Hong Kong nunger asayar Lee Cheuk Yiu-i mezüngbuba round nung kokogo.
Tarep temeyoktep asaya nung Pranaav Jerry Chopra aser N Sikki Reddy nata 14-21 14-21 agi Taiwan nunger tarep Chi Lin Wang aser Chi Ya Cheng nati tsükdaktsüogo.
Asayamung tenzükba anogo PV Sindhu-a mezüngbuba round nung Chinese Taipei tsür World No. 42 Pai Yu Po-i 13-21, 21-18, 19-21 agi koka liasü.
Tebur kija asaya nung HS Prannoy-a 17-21, 18-21 agi Denmark nunger asayar Rasmus Gemke-i tsükdaktsü.