China Open: Sindhu-i akok; Saina-i tamakok ajuru

Fuzhou, November 16 (Agencies): India’er tetsür badminton asayar PV Sindhu-i takok ngua, China Open Super Series Premier badminton asayamong nung tanü, Bodbar nü shilem agiogo.
Ajisüaka, ita 3 tashi taneptsü bushia anisüngzükba sülen tan mezüngsüa toktepa shilem agir, Saina Nehwal-i par tetenzükba asaya nung tamakok ngua liasü.
Tan asayamong nung 7 buba jenjang abenla, Sindhu-i tanü minute 34 nung points 21-12 21-16 ngua, Chinese Taipei tsür, Chia Hsin tsükdaktsü.
Olympic silver-medallist, Sindhu-i lar taruba asaya America tsür, Beiwn Zhang den asayatsü lemzükogo.
Tan asayamong nung 4 buba jenjang abener, Saina-i ghonda 1 shi nung points 16-21 21-19 14-21 ngua, Thailand tsür, Porntip Buranaprasertsuk nem takok ngudaktsü.
Tebur singles shilem nung India nunger Ajay Jayaram aser HS Prannoy natia takok ngua, 2 buba round asayatsü jenjang ajangzükogo.
World No. 23, Jayaram-i ghonda 1 ser minute 2 nung points 21-19 20-22 21-17 ngua, China nunger Zhu Siyuan tsükdaktsüba sülen Hong Kong nunger Wei Nan aser Korea nunger Son Wa Ho na tsüngda takok angur den taruba asaya asayatsü lemzüka lir.
World No. 28, Prannoy-ia points 21-13 21-13 agi Hong Kong nunger NG Ka Long Angus madak takok anguba sülen Chinese Taipei nunger Chou Tien Chen mesüra China nunger Qiao Bin na rong nung ka den 2 buba round asayatsü.