China Open: Sindhu o Jayaram na quarterfinal-i iogo

Fuzhou, November 17 (Agencies): India’er Olyimpic silver medallist, PV Sindhu aser külem sensopur, Ajay Jayaram nati takok ngua, China Super Series Premier asayamong quarterfinal-i tanü, Brehostibar nü iogo.
Tan asayamong nung 7 buba jenjang abenla, Sindhu-i ghonda 1 shi nung points 18-21 22-20 21-17 ngua, America tsür, Beiwen Zhang tetsür singles asaya nung tsükdaktsü.
Sindhu-i lar quarterfinal asaya China tsür, He Bingjiao den asayatsü lemzükogo.
Taoba mapang Dutch Open champion akümtsü jenjang 3 ben tashi ajangzüksang, Jayaram-ia tanü minute 56 shi asayaba sülen points 20-22 21-19 21-12 agi Hong Kong nunger Wei Nan tsükdakja, tebur singles quarterfinal asayatsü jenjang angu.
Jayaram-i par taruba asaya taoba mapang World champion aser All England champion akümtsü jenjang 2 ben tashi ajangzüker, China nunger Chen Long den asayatsü.
Ajisüaka, HS Prannoy-i points 17-21 19-21 ngua, China nunger Qiao Binof nem par asaya kokja, tan asayamong nung joko toktepa shilem magitettsüsa jenjang tamajung ajuruogo.
Külem sensopur, B Sai Praneeth-ia points 16-21 9-21 ngua, Germany nunger Marc Zwiebler nem par tetenzükba asaya tan Bodbar nü kokdakja liasü.