China Open & WTA Finals nung shilem magitsü: Serena

Washington, October 01 (Agencies): Tetsür World No. 1, Serena Williams-i taruba hopta Beijing nung asayatsü ayongba China Open aser Singapore nung asayatsü aliba WTA Finals nung shilem magitsü lemtetba osang ka tanü Brehostibar nü sangoktsüogo.
“Kü temang tia anepalutsü nükjidong nung Beijing aser Singapore naprongla nung shilem magitsü lemtetogo,” ta taoba mapang Grand Slam takok marok 21 tashi agizükla, Serena-i metetdaktsü.
2015 US Open semifinal nung tamakok anguba sülen tanü tashi asaya ka nung danga shilem magila, Serena-i taküm Grand Slam takok marok ajunga agizüktsüa jenjang ngua liasü saka la yiruba yong lai bilemba ama shilem magiteti iba alizüngji majangzükteti süidaktsü.

You must be logged in to post a comment Login