China smartphone market nung Oppo mezüngbuba

New Delhi, October 30 (TYO) : China nung tang tesüsabuba R series smartphone tem sayaba sülen Oppo-i tang mezüng atema China nung smartphone market nung tematiba jenjang ngutetogo, ta osang ka ajanga ashi.
International Data Corporation (IDC) ta ser market research firm kati asadangba nung, alima nung smartphone yanglurtem tajungtiba company tem rongnung Oppo jenjang pezübuba nung lir.
Oppo indang F1 aser F1 Plus smartphone temji India nunga kanga takok ngua yoktetogo.
“Oppo tanen makai inloka aoba atema onok kanga pelar aser China nung dang masü saka alima tesem balala nung onok indang smartphone tem sapua amshiba atema kanga pelar” ta International Mobile Business global VP, MD aser Oppo India president, Sky Li-i sangdong ka nung metetdaktsü.
Company-i tesüiba ita 4 tsüngda nung device 25.3 shi belenshiogo aser ibaji küm ka nung 121.6%, inlokba lir. Iba ya alima nung tajungtiba smartphone yangluba company tem rongnung teimtiba lir, ta Sky Li-i-isa ashi.