China teyari agia Pakistan-i PoK nung dams 6 yangludar: Sorkar

New Delhi, August 04 (Agencies): China teyari agia Pakistan-i Pakistan occupied Kashmir (PoK) nung aliba Indus ayong nung tzü tepdang (dam) trok yangludar, ta tanü Rajya Sabha nung Minister of State for External Affairs, V K Singh-i metetdaktsü.
Sorkari Pakistan aser China naprong dang item tzü tepdang yanglubaji India nunger nüjiso aser litsü anema lir ta metetdaktsüogo, ta paisa metetdaktsü.
“Item tesemtemji Pakistan-i ozüng alema agiba lir, aser senteper inyakbaji India nunger nüjiso aser litsü alema inyakba lir,” ta VK Singh-i ashi.
“Iba dak sendakba nung onoki Pakistan aser China naprong den ibaji lemsatepogo. Sorkari maneni iba anema inyaktsü,” ta minister Singh-isa shisem.